Éist le comhairle ó gach duine ach déan do chomhairle féin ;)

Tá sé in am againn a dhul ag caint faoi uaireadóirí! Bhuel, nílim chun mórán cainte a dhéanamh, ach cúpla pictiúr a thaispeáint díobh do mo chuid uaireadóirí féin agus cinn a bhfuil mo shúil agam orthu ;) 

Aon duine a bhfuil suim acu in uaireadóirí is dócha gur chuala siad faoin Daniel Wellington, is álainn an t-uaireadóir é! Breathnaíonn sé beagáinín fearúil ach sin é an rud is mó is maith liomsa faoi: 


Tá neart ceanna difriúil le fáil, le beilt éagsúil orthu, ach seo é an ceann is fearr liomsa: Is aoibhinn liom go bhfuil an snáthaid gorm, mionsonra, ach is deas é! 


Tá an post saor in aisce: $199: thart ar 177  
(tá siad le fáil ar www.asos.com freisin, ach tá siad i bhfad níos daoire ar) 

Sampla eile den Daniel Wellington is ea iad seo, is féidir an bheilt a athrú orthu:

Téann siad go hálainn le seodra freisin:

Muna bhfuil tú ag iarraidh an méid sin airgid a chaitheamh amach ar uaireadóir ach más maith leat an stíl, chonaic mé an ceann seo ar www.asos.com atá an-chosúil leis an gceann dubh atá ag Daniel Wellington:

'Breda Classic Leather Band Watch' 69.67: ar fáil ar www.asos.com

Duine ar bith a bhfuil aithne acu ormsa, tá's acu gur cineál 'magpie' mé. Cúpla bliain ó shin bhí mé sa phictiúrlann ag breathnú ar an scannán 'The Blind Side' agus thug mé faoi deara go raibh Sandra Bullock ag caitheamh uaireadóir álainn bán le linn an scannáin, nuair a chuaigh mé á lorg, cheap mé i dtosach gur Chanel J12 an cineál a bhí ann, agus ba bheag nár thit an dá shúil amach as mo chloigeann nuair a chonaic mé an praghas a bhí air!!! Ach a chairde céard a bhí ann ach an branda 'Toywatch', comhlacht Iodálach! Tá sé agam ó shin, agus téann sé le gach uile rud, agus má tá dath bréige ort, is amhlaidh is deise é! 


Uaireadóir eile a cheannaigh mé agus caithfidh mé a rá go bhfuair mé an-mhargadh go deo air ná ceann ó Marc Jacobs. Bhí mé i Nua Eabhrac an Nollaig seo caite agus chuaigh mé amach go háit dárbh ainm 'Jersey Gardens', ionad siopadóireachta le hearraí ar lascaine ar fad. Bhí an t-uaireadóir seo feicthe agam i Macys agus bhí sé sách daor ach i ndeireadh na dála cheannaigh mé é ar $87 i 'The Watchstore'! An-mhargadh go deo! Caithim beagnach chuile lá é agus an rud faoi ná uaireanta breathnaíonn sí dubh, laethanta eile liath agus ag brath ar an solas bíonn sí corcra amanna eile! 

Tá lascaine 30% orthu ar suíomh Marc Jacobs i láthair na huaire :)

Roinnt samplaí eile: 





Uaireadóir ó chomhlacht Sasanach a cheannaigh mé anuraidh ná ceann ó Olivia Burton Tá siad thart ar 100 an ceann: Caithfidh mé a rá go mbeadh sé éasca an lá a chaitheamh ag breathnú ar a suíomh idirlíne, tá a gcuid uaireadóirí an-'elegent' go deo. Sa deireadh bhí mé idir ceann le strapa oráiste nó donn mar sin cheannaigh mé an ceann donn, cheap mé go ngabhadh sé le níos mó de mo chuid éadaí, ach más duine thú ar maith leat dath agus féileacáin, téigh ar a suíomh go bhfeicfidh sibh iad. Tá siad le fáil ar www.asos.com freisin, agus má fhanann tú go dtí mí Eanáir bíonn sladmhargadh maith acu orthu go hiondúil:
Téigh go http://www.oliviaburton.com chun do dhath a roghnú, tá an ceann seo 110



Ádh mór ag iarraidh ceann acu seo a phiocadh amach- téigh ar  https://instagram.com/oliviaburtonwatches/ le breathnú orthu! 

Anois ní gá do dhuine a dhul chomh daor le huaireadóir mar seo, má théann tú ar shuíomh www.newlook.ie agus www.asos.com, tá uaireadóirí áille ann agus ní bheidh tú fágtha le póca folamh ná cloigeann tinn :P
'Asos Sleek Large Face Watch' 14.99 ar fáil ar www.asos.com

Tá mé ag ceaptha go raibh Santaí go maith d'fhormhór na mban sa tír seo anuraidh agus go bhfuair an t-uafás againn uaireadóir Michael Kors, níl a fhios cé mhéad acu a fheictear ar mhná na hÉireann, cheapfainn mar gheall go bhfuil siad ag an oiread sin daoine nach bhfuil leath an oiread tóir orthu níos mó, ach é sin ráite, tá siad chomh daor céanna i gcónaí. Chonaic mise ceann álainn le dath turcar, caithfidh mé a rá gurb shin é an dath is fearr liom ar aon nós, ach tá sé go hálainn: 
$175 ar www.michaelkors.com

Ceann cosúil leis: 'Metallic Digital Display Watch19.95 ar fáil ó www.forever 21.com

 

Tá an ceann seo ó Newlook an-chosúil le huaireadóir ó Michael Kors, níl sé ach €28! 

Téigh go Armani le haghaidh uaireadóirí a fheiceáil freisin: 
'Colour Collection Watch'- 149 euro

Tá uaireadóirí áille ar fáil ó Fossil agus tá an-cháil orthu le hardchaighdeán freisin, cúpla sampla do chinn deasa anseo: 
'Original Boyfriend Chronograph Leather Watch' $135.00 ar fáil ó https://www.fossil.com

'Celine Multifunctional Stainless Steel Watch'- $185.00 ar fáil ar https://www.fossil.com


Comhlacht eile a bhíonn uaireadóirí deasa acu ná Guess
Tá an ceann seo go deas, is breá liom an dath! 'W057'  €189 ar fáil ó www.guess.com 



Uaireadóirí dóibh siúd a bhíonn ag rith: 


    €129.99 ar fáil ó www.argos.ie                  199.90 ar fáil ó www.polar.com

Súil agam go dtaitneoidh sé seo libh!

Gearóidín X