Sciortaí Midi: Táim gafa leo!!!

Haigh a chairde,

Tá sciortaí Midi chuile áit le déanaí! Is breá liom iad. Is féidir iad a chaitheamh le geansaí mór tiubh nó top deas simplí, buataisí nó saillí arda nó fiú péire deas converse! Seo thíos cúpla sciorta midi atá feicthe agam le písín agus atáim i ngrá le. Tá siad chomh claisiceach, éasca le caitheamh agus má fhaigheann tú an ceann ceart cuirfidh siad chuile ‘lump agus bump’ i bhfolach.

Read More

Leabhair atá léite agam le déanaí!

Tá blag na seachtaine seo difriúil. Ní ceann faisin atá ann, is ceann é faoi leabhair mar aon duine a bhfuil aithne acu orm tuigeann siad an suim atá agam i leabhair agus sa léitheoireacht.

Níl tada níos deise liom ná suí amuigh i mo ghrianán agus cupán caife a ullmhú agus mo leabhar a léamh. Ní ar éadaí amháin a bhím ag caitheamh mo chuid airgid. Bhínn i gcónaí in Easons ag ceannach leabhair agus ní leabhar nó dhó a cheannóinn ach trí cinn nó ceithre cinn. 

É sin ráite cheannaigh mo mham ‘Kindle’ dom i mí Aibreáin agus níor cheap mé go deo go mbaineann úsáid as nó go mbeadh suim agam ann. Thosaigh mé á úsáid faoi dhereadh i mí Mheán Fómhair agus anois ní cheapfainn go gceannóidh mé leabhar aríß go deo. Tá sé i bhfad níos éasca, níos saoire agus níos áisiúla seachas a bheith ag iompar thart leabhar.

Mar sin i mbliana shocraigh mé mo leabharlann áitiúil a úsáid níos minice, rud a chiallaigh go mbeadh níos mó airgid agam le dul ag siopadóireacht!! WIN WIN!! Seo trí leabhar atá léite agam agus céárd a cheap mé dóibh. Léim chun sos a fháil ón obair agus mo scíth a ligean. Uaireanta deirim liom féin gur cheart dom níos mó leabhair 'oideachasúla' a léamh ach nach cuma.

An chéad leabhar ar an liosta ná

The Couple Next Door

Unknown-2.jpeg

 

Wow bhí an leabhar seo chomh hiontach sin nach raibh mé in ann é a leagan síos. Téim a chodladh an-luath ach nuair a bhí an leabhar seo á léamh agam ní raibh mórán fonn orm an solas a chasadh de. Ní raibh uaim ach fáil amach céard a bhí chun tarlú an chéad uair eile. Bhí sé iontach, rinne mé an oiread sin cainte faoin leabhar seo gur léigh mo dheirfiúr, Marion agus mo chairde é. D'aontaigh siad uilig liom. Uaireanta le leabhair bíonn fios agat céard atá chun tarlú, anseo ní raibh cliú dá laghad agam agus bhínn ag deifriú abhaile chun é a léamh.

Cinnte 9/10

What a Complete Aisling

Unknown-1.jpeg

Mhol duine agaibhse an leabhar seo dom lá amhaín ar 'Snapchat' agus mo leán cheannaigh mé é. Scéal an-ghreannmhar, réadúil, tipiciúil do chailín Éireannach atá anseo agus tarlaíonn agus deirtear go leor rudaí sa leabhar seo a chloistear na laethanta seo agus a deireann muid ar fad.

Ba 'easy read' a bhí ann agus bhain mé an-taitneamh as. Ní fhoghlaimeoidh tú aon rud ón leabhar seo agus beidh tú in ann ceangal a dhéanamh le roinnt de na carachtair nó déanfaidh tú ceangal idir carachtar sa leabhar agus cara, deirfiúr, deartháir nó tuismtheoir leat. Chuala mé ansin le tamall anuas go bhfuil siad ag smaoineamh scannán a dhéanamh faoi agus go bhfuil  sé ar intinn  acu leabhar eile a scríobh. Má tá racht gháire uait nó 'oick me up', léigh é seo.

Thabharfainn 7/10 don leabhar seo.

The Importance of being Aisling

Screen Shot 2018-11-11 at 12.37.50.png

Léigh mé é seo cúpla seachtain ó shin agus le bheith fírinneach mé an-díomá orm leis. Cheap mé go raibh an chéad cheann i bhfad níos fearr, céarda cheap sibh?!

Go bunúsach tá Aisling ar ais arís lena buachaill cara John. Tá sé fós ina cónaí i mBaile Átha Cliath ach ansin tarlaíonn tragóid ina saol a chiallaíonn go gcaithfidh Aisling bogadh abhaile lena máthair, rud nach bhfuil sí cinnte faoi,

Gan aon phost ná fios aici cá bhfuil cá bhfuil a saol ag dul, téann sí go Vegas leis na cailíní san áit go dtarlaíonn go leor agus go ndéanann sí cinneadh a gnó féin a bhunú. Bíonn idir gháire agus chaoineadh, chomh maith le briseadh croí agus áthas.

Céard atá i ndán di?

Bhuel níor thaitin an leabhar liom, cé gur léigh mé go dtí an deireadh níor cheap mé go raibh sé chomh maith ar chor ar bith leis an gcéad cheann, ach níl ansin ach mo thuairim féin.

The Break

Unknown.png

Seo leabhar eile a léigh mé le déanaí agus ar bhain mé taitneamh as. Is maith liom an stíl scríbhneoireachta atá ag Keyes agus tá go leor dá cuid leabhair léite agam.

Sa scéal seo, feicimid Amy, a fear agus a dtriúr iníon. Gnáthchlann thipiciúil. Ansin faigheann athair a fear céile bás agus bíonn sé ag streachtailt leis an saol, gan é in ann deileáil lena chuid mothúcháin. Lá amháín socraíonn sé go dteastaíonn 'break' uaidh, sos sé mhí, gan a bhean agus na páistí.

Fágtar Amy i mbun an tí agus í gnóthach mar a bhí le post a thugann anonn s' anall go Sasana í. Cén chaoi a n-éireoidh leí leis seo?????? Is fiú an scéal a léamh.

8/10

Roinnt leabahir eile atá léite agam ó shin ná

1. Tara Road le Maeve Binchy( i know níl sé léite agam)

2.Keep you Safe le Melissa Hill

3. Stranger in the House.

I láthair na huaire tá ‘The Tattooist of Auschwitz’ á léamh agam. Níl mé fiú imithe leathbhealaí fós agus tá mé ‘addicted’.

An bhfuil sé léite ag aon duine eile? Ba bhreá liom bhur smaointe leabhar a fháil mar bím i gcónaí sa tóir ar leabhar.

An bhfuil moltaí leabhar agaibh dom? Ba bhreá liom iad a chloisteáil.

Aisling X

Béilte Beaga Blasta... Ar ais arís in am d'Oíche Shamhna :)

Béilte Beaga Blasta... Ar ais arís in am d'Oíche Shamhna :)

Bhuel a chairde,  Tá ár mblag anois breis is trí bliana ar an bhfód agus tá dhá mhór-athrú tagtha i mo shaol ón am sin; páistín nua agam, Fionnán beag (Grá mo chroí ár ndóigh) agus anuas ar seo fuair mé post nua i mí Mheán Fómhair, ag múineadh Eacnamaíocht Bhaile agus Gaeilge cúpla nóiméad ón mbaile i gColáiste na bPiarsach, Ros Muc.

Read More

Taisteal le Páistí

Taisteal le Páistí

Síofra libh arís!

Má leanann sibh ár leathanach Instagram is dócha go bhfaca sibh go raibh muid ar ár laethanta saoire i Florida le déanaí.

Chuaigh mé féin, Brian agus Eddie chomh maith le mo thuismitheorii go Rosemary Beach ar Mhurascaill Mheicsiceo (Gulf of Mexico) agus bhí sé go haoibhinn. Dar le Google Maps tógann sé thart ar naoi n-uaire dul ann ó Evansville, an áit ina gcónaímid. Taitníonn an carr go mór le hEddie agus chodail sé go sámh ar an mbealach síos. Stopamar i Nashville, Tennessee le haghaidh lóin agus ansin lean muid ar aghaidh go Montgomery, Alabama. Áit fíorstairiúil atá inti - ní raibh mórán eolais agus faoin áit ach sei an áit sin a thosaigh Rosa Parks agus na gníomhaithe eile ag troid in aghaidh an ciníochais a bhí ag tarlú i Méiriceá sna caogaidí.

Read More

Smaointe Tí 1: Balla Pictiúir

Hello a chairde,

Tá sé písín deas anois ó bhí mise ag caint libh go deireanach. Ón uair deiridh a scríobh mé blag, tá ceadúnas faighte againn chun ár dteach a thógáil agus tá muid geallta anois. Tagann chuile rud le chéile a deirtear!!!

Ar aon nós bhí smaoineamh agam le déanaí go dtosóinn ag cur le chéile mo chuid smaointe don teach agus na rudaí ar fad atáim ag iarraidh a dhéanamh. Mar sin seo é an chéad cheann: Balla Pictiúir nó ‘Picture Wall’ an leagan béarla.

Thosaigh mé ag bailiú pictiúir- prints den chuid is mó i bhfad ó shin- thart ar 2 bhliain ó shin anois. Bhí an smaoineamh seo agam go bhféadfainn staighre deas a bheith againn le fuinneog mór síos os a chomhair agus ansin ar an mballa go mbeadh pictiúir dubha agus bána le meascán do fhrámaí dubha agus bána.

wall 3.jpg
wall 5.jpg

Seo iad na prints a thaitníonn liom, cuid acu atá ceannaithe agam cheana féin (agus gan muid fiú tosaithe ar an teach) agus cuid eile atá ar liosta le ceannach agam. Ceannaím na prints agus ansin aon uair a théim go hIkea ceannaím frámaí ann dóibh. Ní fiú a bheith ag dul an-daor, sin céard a cheapaimse ar aon nós. Is iad na comhlachtaí is fearr liom ná Dustyboy, Audrey Hamilton Art agus Eclectic Lens a bhíonn ar shráid na siopaí le prints d’ainmhithe. Cuirfidh mé na nascanna thíos dá leathanaigh Instagram agus cén áit is féidir iad a cheannach.

Screen Shot 2018-09-30 at 15.23.06.png
Baby-Elephant.jpg
tea.jpg
Carpe-Diem-wm.jpg

Tá súil agam é seo a choinneáil suas anois má thaitníonn sé libh?

Gearóidín



'The Hardest Job I'll Ever Love' - Mo Shaol mar Mhamaí Nua!

'The Hardest Job I'll Ever Love' - Mo Shaol mar Mhamaí Nua!

Hello a chairde, 

Síofra ar ais libh théis sos a thógáil ón scríbhneoireacht agus ón mblag i ndáiríre. Má leanann sibh ár leathanigh Facebook agus Instagram is dócha go bhfaca sbh go rugadh mo leaidín beag Eddie i mí Iúil. Taimid i ngrá leis dár ndóigh. Tá sé seacht seachtaine anois agus táim ag foghlaim chuile lá! Is cutie beag é agus is bean iomlán difriúil é mar gheall air caithfidh mé a rá!! Tá  mo mháthair anseo linn agus is rud iontach é mar tugann sé deis dom sos a fhái. nuair atáim traochta! Ach, é sin ráite tá súil agam go mbeidh mé in ann chuile rud a dhéanamh liom féin nuair a imíonn sí abhaile. 

Read More

Mo ASOS Maternity Style Wish List

Mo ASOS Maternity Style Wish List

Haigh a chairde! Síofra anseo libh arís!

Tá mé féin agus Brian ag dul go Nua Eabhrac le haghaidh 'babymoon' beag i gceann coicíse agus is dócha go mbeidh an aimsir i bhfad nios teo agus níos deise ansin! Mar sin de, caithfidh mé cúpla gúna deas a fháil don turas! Ní bheidh ach 'carry on' liom so beidh orm a bheith eagraithe agus ullmhaithe ó thaobh na héadaí de!! 

Read More

Loves an Luain - Mo Bhumpín Beag!

Nuair a thosaigh mé ag smaoineamh faoi Loves an Luain don seachtain seo thug mé faoi deara nach raubh aon rud 'nua' nó 'exciting' ceannaithe agam le déanaí! Ag rá liom féin.. 'bí cinnte go gceannaíonn tú rud éigean ionas go mbeidh tú in ann blag a scríobh air! Ach nuair a bhí sé ráite agam thuig mé cé chomh seafóideach agus ábharach a bhí an tuairim/smaoineamh sin! Mar, mar is eol daoibh is am fíorchostasach é agus tú ag iarraidh chuile rud a cheannach a don bhabóg beag a bheidh ag teacht i gceann cúpla mí! Shocraigh mé ansin gur cuma nach bhfuilim in ann rudaí 'nua' nó 'exciting' a cheannach dom féin faoi láthair. Tá mé ag ullmhú le haghaidh ceann de na rudaí is tábhachtaí agus is 'nua' i mo shaol. 

Read More

Mo 'Fixer-Upper' is déanaí!

Mo 'Fixer-Upper' is déanaí!

Haigh a chairde, Síofra anseo libh arís! Is dócha go bhfuil an blag seo beagáinín difriúil dom. De ghnáth, scríobhaim faoi chúrsaí craicinn nó cúrsaí áilleachta (mar gheall go mbíonn deacrachtaí craicinn agam!) Ach, don uair seo, shocraigh mé blag a scríobh ar mo Fixer-Upper agus ar an bpróiseas. Sular thosaigh mé amach leis an tionscadal léigh mé go leor ailt agus blaganna ar Pinterest agus thuig mé go díreach céard a bhí romham!! Tá súil agam go dtaitníonn an blag libh agus go bhfoghlaimíonn sibh rud éigean uaidh!

Read More

Saol mar Mhamaí....mo thuras go dtí seo :)

Saol mar Mhamaí....mo thuras go dtí seo :)

Dia Dhaoibh a chairde, 

Leis na fhírinne a rá chaith mé an mhaidin ag iarraidh blag suimiúil a chur le chéile daoibh.  Mar is eol daoibh is mise bean na mbéilte beaga blasta agus tá mé ag súil go mór cuid de na miasanna sin a roinnt libh arís go luath. É sin ráite, mhothóinn aisteach é sin a dhéanamh inniu gan update beag a thabhairt daoibh ar thús mo thuras mar mhamaí.  Beidh mé chomh ionraic agus is féidir liom a bheith :)

Read More

Loves an Luain- Aisling

Dia dhaoibh tráthnóna a Ghlams, 

Cén chaoi a bhfuil ceithre seachaine imithe thar cheana agus go bhfuil mé ar ais ar Loves arís.

Screen Shot 2018-03-12 at 11.58.30.png

Tá mise á choinneáil simplí inniu agus tá an mála seo roghnaithe agam. Seo mála a cheannaigh mé nuair a bhí i Florida an mhí seo caite agus nuair a chonaic mé sa siopa é bhí a fhios agam go mbeadh orm é a cheannach.

Nóí bean mhór glas mé ach thaitin sé seo liom agus cheapfainn go dtabharfaidh mé amach ar a chéad 'outing' é an deireadh seachtaine seo le haghaidh Lá Pádraig!!

Thíos feicfidh sibh cúpla sampla eile do mhálaí atá cosúil leis agus an nasc curtha leo.

Screen Shot 2018-03-12 at 11.47.40.png
Screen Shot 2018-03-12 at 11.51.49.png

Bainigí taitneamh as an gceiliúradh an tseachtain seo chugainn do Lá le Pádraig,

Le grá,

Aisling

Slán libh sciortaí gearra ní maith liom sibh níos mó

An bhfuil aon duine eile amuigh ansin atá tinn tuirseach ag súil isteach i siopaí agus ag breathnú ar sciortaí agus gúnaí atá i bhfad ró ghearr??? nó a bhreathnaíonn ar chailíní/mhná agus a dtóineanna amuigh ar oíche ar na tiles? 

Níl aon rud níos measa liom a fheiceáil. Dár ndóigh is é a rogha a leithéid a dhéanamh ach anois caithfidh mé a raibh go bhfuil treocht nua ag teacht agus is breá liom é: Na Brístí Faiseanta. 

Má bhreathnaíonn aon duine thart sna siopaí le cúpla seachtain anuas tá brístí chuile áit. Seo cúpla ceann atá mo shúil agamsa orthu agus na háiteanna ar féidir iad a cheannach!

27336582_2012384579028643_8843299218790790815_n.jpg
27907738_2016325121967922_798655667162822263_o.jpg
27747769_2015818192018615_47245345975389403_o.jpg

Cinn atá ar mo 'Watchlist': Cé acu ceann is fearr libh? 

2 pants.jpg
3 pants.jpg
4 pants.jpg
pants 1.jpg
9312032-1-multi.jpeg

Gearóidín x

 

Loves an Luain - Síofra

Loves an Luain - Síofra

Hello a chairde, Síofra ar ais libh don tseachtain seo le haghaidh Loves an Luain! Tá súil agam go bhfuil sibh go léir go maith sa bhaile théis deireadh seachtaine ag pleidhcíocht sa sneachta! Mar is eol daoibh anois, tá mé ag súil agus le cúnamh Dé beidh seisear sa chlann Ghaeilge le Glam roimh deireadh an samhraidh! Agus, é sin ráite tagann fadhbanna craicinn le toircheas. Is dócha go mbíonn mná na hÉireann ag streachtailt le spotaí agus fadhbanna craicinn mar gheall ar an méid hormóin atá inár gcorp. An rud is deacra faoi seo ná ní féidir linn na comhábhair is gníomhnaí (na comhábhair is fearr) a úsáid agus muid ag iompar cosúil le Salicylic acid, Glycolic acid agus Retinol. Agus don chuid is mó dúinn caithimid ár gnáthamh craicinn a athrú nuair a thugaimid faoi deara go bhfuilimid ag iompar! 

Read More

Litir chuig Senan.

SENAN DANIEL Ó CONAIRE- 23/2/2018

Hello Glams,

Bhuel seo mo chéad bhlag mar AINTÍN! Agus nach deas an mothú é. An méid grá atá agam do leadín beag nach bhfuil ach beagán le cos seachtain. Tá sé deacair é a chuir i bhfocail an chaoi a mhothaím mar nár mhothaigh mé mar seo riamh. Is litir do Shenan atá sa bhlag seo inniu.

Ar an Aoine an tríú lá is fiche de mhí Feabhra agus mé ar mo bhealach abhaile ón scoil sheol do Mhamaí Niamh téacs, thart ar a haon agus d'fhaifraigh mé di cén chaoi a riabh sí. Dúirt sí liom go raibh pianta uirthi, ba bheag nár chuir mé an carr don bhóthar le excitement. Bhí a fhios agam gur é seo tús an phroiséis duit.

Bhí coinne agam le mo chuid gruaige a dhéanamh agus dúirt mé le Mamaí go rachainn síos théis. ní bhfuair mé an deis í a fheiceáil sula ndeachaigh sí isteach go dtí an t-ospidéal. Agus mise ag tiomaint isteach sa bhaile, bhí Mamaí ar a bealach isteach le tusa a chuir ar an saol. Bhí a fhios agam ansin, an chéad uair eile a d'fheicfinn do Mhamaí agus do Dhaidí, go mbeinn ag bualadh leatsa don chéad uair freisin agus go mbeadh sí théis an bronntanas is fearr riamh a thabhairt dom.

D'fhan mé sa mbaile ar feadh píosa, Lorraine, Paul, Dad, Mam, Simon, Paudie agus Éanna, muid uilig chomh excited go mbeadh 'addition' beag eile againn go luath. Chuir mé míle ceist ar Lorraine, an raibh an pian go dona ar do Mhamaí, an raibh sí ag caoineadh (ba bheag nár thosaigh mé fhéin ag caoineadh), cén chaoi a raibh Daidí, ar thug Mamaí leí chuile rud.

Chuir mé téacs ag do Mhamaí nuair a tháinig mé abahile agus dúirt sí go mbeadh tú anseo anocht nó amárach.(Dé hAoine nó Dé Sathairn). Mo chroí!!!! Bhí obair agamsa Dé Sathairn agus mar sin fuair mé leabhar agus chuaigh mé a choladh (bhí mé cinnte nach mbeadh tada aici go dtí An Satharn)

Dhúisigh mé maidin Shatharn, maidin thirim, fhuar, le glaochanna caillte, snapchats agus teachtaireachtaí ag rá comhghairdis. Bhí mé i m'aintín ó 23.54 agus ní raibh cliú agam go dtí 6.45 nuair a dhúisigh m'alarm mé. Seo an chéad phictiúr a thóg mé in éineacht leat Senan, nach deas muid?! 

Image.png.jpeg

Bhí mé i ngrá leat Senan beag agus gan mé ach théis pictiuir a fheiceáil díot, d'ordógín beag sáite siar i do bhéalín agat! Chuaigh mé ag mo chuid oibre agus ar an bpointe agus a bhí mé réidh thiomáin mé go dtí an t-ospidéal!|(ó stop mé ar dtús agus cheannaigh mé cúpla balún duit)

images.jpeg

Ó Senan, nuair a chonaic mé don chéad uair tú, d'athraigh tú mo shaol, saol do Mhamaí agus do Dhaidí, do Mhamó agus Daideo, Mamó eile agus ár saol uilig. 

Image-2.png.jpeg

An rudín beag is deise agus is áille ní fhaca mé riamh agus an oiread sin cion ag chuile dhuine ort fhéin agus an mullach álainn gruaige sin atá ort.

Tugadh abhaile Dé Domhnaigh tú agus cuireadh fáilte agus fiche romhat (chuile dhuine againn maraithe amach ag iarraidh an teach a mhaisiú duit) Ní raibh noiméad suaimhnis agat a leadín beag álainn, chuile dhuine ag breathnú ort, ag troid ag iarraidh tú a thógáil agus níor chuir tú suim ar bith ann!!

Tá tú linn 9 lá anois Senan agus tá sé ar nós go raibh tú linn i gcónaí. Céard a rinne muid i d'uireasa?!

Ach breathnaigh do chuid lámhín beaga. Maróidh tú mé nuair a bheas tú níos sine mar tá mé seasta síoraí ag tógáil do phictiúr!!

Image-1.png.jpeg

Níl a fhios agat é fós b'fhéidir ach ní thuigeann tú an méid áthais, bróid, lúchair agus sonais a thug tú leat ar an saol seo nuair a saolaíodh tú agus níl sé ach ina thús.

Táim ag súil go mór leis an aistear nua seo a  thosnú leatsa, le do Mhamaí álainn Niamh, do Dhaidí cineálta Kevin agus chuile dhuine eile a bhfuil an-chion acu ort freisin.

Múinfidh mé na rialacha gramadaí uilig dhuit, tabaharfaidh mé cúnamah duit le do chuid obair bhaile, beidh 'day-outs' ag an mbeirt againn, múinfidh mé cúpla trick dhuit, ceannóidh mé na sweets nach gceannóidh Mamaí agus Daidí, beidh mé ansin leat má bhíonn Mamaí agus Daidí ag tabhairt amach duit, ná bíodh imní ort a Senan Beag Álainn, seasfaidh Auntie Aisling suas dhuit i gcónaí.

Image-3.png.jpeg

Níl tú ach i dtús d'aistear sa saol seo a Senan, ach geallaim dhuit ní bheidh tú riamh díomhaoin. Rud ar bith a bheas mé in ann a dhéanamh dhuit, sin a dhéanfaidh mé, mar ní thuigfidh tú go brách é, ach thug tú an oiread sin áthais agus grá isteach i mo shaol.

Unknown.jpeg

Grá mo chroí thú a Senan Daniel,

D'aintín Aisling.

xxxx

Loves an Luain - Roseann

1477331946449.png

Hello a chairde, 

Do Loves an Luain an tseachtain seo tá na bronntanais seo a fuair mé ó chairde liom.

D'fhreastal mé féin agus Síofra ar "Beo" an Lúnasa seo caite, áit a raibh deis againn scéal Alison Canavan a chloisteáil, an lá sin bhí an leabhar seo luaite aici agus caithfidh mé a rá go bhfuil sé iontach deas é a léamh mar go bhfuil sí thar a bheith ionraic ann.  Tugann an leabhar neart tips do Mamaís nua nós mé féin :)

IMG_3106.jpeg

Freisin tá mo chupán nua a fuair mé freisin chun meabhrú dom go bhfuil freagracht ar leith agam anois agus gur onóir olmhór é a bheith i do Mhamaí.  Níl dabht ar bith ach go mbíonn an tae agus caife ag teastáil. 

190-751s.jpg

Loves an Luain- Gearóidín

Hi a chairde, 

Is é an 'loves' atá agamsa an tseachtain seo ná an uaireadóir álainn seo ó Paul Hewitt. Is breá liom chomh simplí agus atá sé agus an stíl mhuirí atá leis. Fuair mé é thart ar am na Nollag mar bhronntanas agus tá sé caite an-mhinic agam ó shin. Téann sé le chuile rud beo agus go háirithe mo chuid píosaí seodra ó Pandora. 

Read More

Maratón 2017 agus mo chuid pleananna do 2018

Haigh a chairde, 

An t-am seo anuraidh shuigh mé síos agus shocraigh mé 1/2 mharatón a rith in éindí le mo bhuachaill cara. Ag an am cheap mé gur rud é nach ndéanfainn go brách mar nach duine mé a bhíodh ag rith. Thosaigh mé ag traenáil i mí Eanáir agus bhí ag éirí go maith liom 5kanna a rith ach b'shin é. Ansin bhuail an leisce mé i mí Feabhra agus Márta agus ní dhearna mé faic na ngrásta.  Ní raibh mé ag baint taitnimh as. Bhí sé deacair a bheith ag dul amach sa mbáisteach ag rith liom féin agus bhí sé leadránach. Ansin i mí Aibreáin agus i mí Bealtaine shocraigh mé féin agus grúpa múinteoirí ó mo scoil an 'Galway 5k series' a dhéanamh.

20170910_112108.jpg

Is éard atá ansin ná 6 rása 5k in áiteanna éagsúla timpeall Ghaillimh agus tosaíonn siad i mí Aibreáin. Thaitin sé seo thar cionn liom. Thug mé faoi deara go raibh mé ag fáil níos sciobtha chuile sheachtain ar bheagán traenála agus mar sin thit mé i ngrá leis an rith. Ag deireadh mí Aibreáin chláraigh mé chun Maratón Dhaingean Uí Chúis a dhéanamh. I mo chloigeann ba 4 5k a bheadh ann agus ní bheadh sé an-dona dá ndéanfainn beagán traenála. D'aon duine atá ag tosnú amach mholfainn an 5k series go mór dóibh :) 

Thosaigh mé ag déanamh 8kanna timpeall na Ceathrú Ruaidh ansin i mí an Mheithimh. Bím ag obair mar phríomhoide in éindí le hAisling i gColáiste Uí Chadhain so ní mórán deise a bhí agam a bheith ag dul ag rith. Ach shocraigh mé féin agus Síofra 10k a dhéanamh 'Run for Ollie' (mholfainn d'aon duine é a dhéanamh, rása iontach) agus ina dhiaidh sin bhí mo chuid seolta crochta. 

IMG_20170611_121252.jpg

I mí Iúil agus Lúnasa thosaigh mé ag déanamh i bhfad níos mó 10kanna agus ansin b'fhéidir mí roimh an rása rinne mé trí 18k. Ba chuma liom riamh faoi ham fad agus go raibh mé ag rith. Uaireanta bíonn an iomarca béime ag daoine ar cé chomh sciobtha agus atá tú ag rith ach ceapaimse ar aon nós má fhaigheann tú pace deas a fheileann duit féin tá sé sin i bhfad in Éirinn níos tábhachtaí mar níl tú do mharú féin agus bainfidh tú i bhfad níos mó taitnimh as. 

An rása mór!!!! Caithfidh mé a rá go raibh mé an-neirbhíseach ach an-excited ag an am céanna. Níl mé cinnte cé mhéad duine a bhí ag rith thíos sa Daingean anuraidh ach bhí na mílte ann. Bhí an aimsir go deas agus muid ag tosaí ach 5 nóiméad isteach sa rás thosaigh sé ag stealladh báistí agus lean sé ar don chuid eile don lá. Ba chuma liom faoi sin i ndáiríre, an t-aon rud nach dtaitníonn liom nuair a bhím ag rith ná nuair atá an ghaoth díreach siar sa smút ort agus níl tú in ann análú. 

Bhí chuile rud go breá agus an t-uafás tacaíochta á thaispeáint ag muintir Chiarraí. Bhí tréimhsí den rása nach raibh mé in ann tada a cloisteáil ar m'Ipod mar go raibh an oiread daoine ag screadaíl. Phléasc mé amach ag caoineadh ag Tigh Pháidí Ó Sé i gCeann Trá mar go raibh grúpa ceoltóirí amuigh sa mbáisteach ag ceol mar thacaíocht do na daoine a bhí ag rith. Bhí mé an-bhródúil ag an bpointe sin. Bhí cúpla uair eile a thosaigh mé ag caoineadh le linn an ráis, an t-aon fáth ná nach raibh mé in ann a chreidiúint go raibh mé dhá dhéanamh, duine nach raibh in ann 5k a rith gan stopadh anois bhí mé ag rith 1/2 mharatón. 

Bhí chuile rud ag dul go breá go dtí 18k ag an bpointe sin bhí mo chosa ag tabhairt uathu agus cheap mé nach bhfeicfinn an líne chríche go brách. Thosaigh pian ag teacht chuile áit ansin go háirithe i mo chorróg, áit a bhíonn tinn orm go minic.

Bhí seanfhear (seans go raibh sé thart ar 60) ag rith le mo thaobh agus bhí sé ag déanamh an maratón uilig (42k). Labhair sé liom agus i ndáiríre bhí mé ag rá liom féin 'cop on' má bhí seisean in ann é a dhéanamh bhí mise in ann é a dhéanamh. Thosaigh mé ag rá liom féin nach raibh ann ach 3 cinn eile agus go raibh mé beagnach ann. 

Chríochnaigh mé an 21k i 2 huaire 08 nóiméad!!!!!! Ba í an aidhm a bhí agam ná 2 huaire 30/45 nóiméad! 

20170902_151552.jpg

Ní raibh pianta orm an lá ina dhiaidh ach oiread ach d'at mo chosa agus b'éigean dom mo chuid sáilí arda a bhaint díom faoin mbord an oíche sin agus muid istigh i Dick Macks ag ceiliúradh! 

I mbliana mar sin ba bhreá liom Daingean a dhéanamh arís, go háirithe dá mbeadh an aimsir níos fearr mar deirtear gurb é ceann de na maratóin is radharcach ar domhan é. Tá ceann eile i nGort i mBealtaine agus ba bhreá liom é sin a dhéanamh dá mbeinn in ann éirí do mo thóin!!!! 

Cúpla Tip

1. Ná tosaigh ag traenáil leat féin ag an tús!!!! Bíodh cara in éindí leat fiú le haghaidh 5kanna agus tú ag tosaí amach ag rith ar dtús. Ach bí in ann rith leat féin freisin. 

20171115_221608.jpg

2. Bíodh ceol maith agat! Cheannaigh mise an iPod Shuffle, an ceann beag. Bhí sé an-handy agus éasca le greamú ar do gheansaí agus tú ag rith. 

1200px-5G_IPod_Shuffle.svg.png

3. Bróga reatha- ceann de na rudaí is tábhachtaí!!!! Bhíodh mise ag rith i bpéire bróga reatha a bhí agam i gcónaí agus bhínn ag fáil droch phianta i mo chorróg ach go háirithe. Dúirt cara liom dul go hElverys agus an tastáil sin a dhéanann siad ar do chosa a dhéanamh. Moltar má bhíonn tú ag rith; dul suas saghas agus más Asics atá tú ag ceannach téigh suas saghas go leith. Mar sin caithim saghas 5 de ghnáth agus cheannaigh mé péire Asics a bhí 6 1/2. Ná téigh le branda mar go gceapann tú gur iad sin is fearr, ceannaigh cuid atá compordach. Thriáil mise orm 6/7 bpéire an lá a bhí mé ag ceannach. 

4. Caithfidh tú d'intinn a thraenáil. Is minic atá do chosa/chorp in ann an jab a dhéanamh ach beidh tú ag rá leat féin nach bhfuil tú in ann agus go gcaithfidh tú stopadh. An rud a dhéanaimse ná piocaim amach rudaí ar an mbealach agus deirim liom féin rith go dtí an claí agus ansin an crann agus ar aghaidh liom mar sin. 

5. Éist le do chorp ná téigh ag rith má tá pianta ort ach ag an am céanna ná bí ag rá leat féin go bhfuil pianta ort!!!

6. Níl aon ghá leis seo ach cheap mise go raibh sé go maith. Bhí an FitBit beag agam agus nuair a bheinn ag rith ní raibh a fhios agam cé chomh fada agus bhí mé imithe. Do mo bhreithlá cheannaigh Bernard uaireadóir Garmin dom. Tá an aip a théann leis iontach uilig! Insíonn sé duit cé chomh sciobtha agus atá tú ag dul, cé chomh sciobtha a bhogann do chosa, cé chomh sciobtha agus atá do chroí ag dul agus coinníonn sé mapa do na háiteanna a théann tú. Chomh maith leis sin comhairíonn sé do chuid cois céimeanna le linn an lae agus an t-uafás eile nach bhfuil oibrithe amach agamsa fós! (Má tá tú chun ceann a cheannach bíonn siad níos saoire ar Amazon). 

shopping.jpg

Bhuel sin a bhfuil uaimse a chairde, má bhíonn aon cheisteanna agaibh déan cinnte iad a chur. Ní haon saineolaí mise agus ní mórán rith atá déanta agam ón mbliain seo caite ach tá mé cinnte dearfa chun a dhul ar ais aige i mbliana! 

Gearóidín X